За Пинкокрафтс
За Пинкокрафтс
Брендот Пинкокрафтс се роди од идејата да се продолжи една вековна семејна традиција на рачно изработување на накит. Следејќи ги чекорите на познатият Струшки кувенџија Ѓорѓи Матоски, неговата внука Сара започна да изработува накит најпрво со техниката филигран, а потоа ги надополни своите изработки и со техниката на сухо филцање на волна. Покрај накит, брендот нуди и други рачни изработки од волна и други материали.
За креаторката
Сара Матовска Јолеска е личноста која стои зад брендот Пинкокрафтс. Со потекло од Струга, по професија графички дизајнер, таа ги дизајнира, а потоа и ги создава сите парчиња накит кои тука ќе ги видите. Својата пасија за рачна изработка ја наследила од својот дедо и ја надополнила со свој личен печат. Иако детството го поминала во дуќанот на дедо Ѓорѓи и твори од многу мала, своите дела решава да ги изложи на почетокот на 2024 година. Сара организираше и изложба во месец мај 2024та во чест на 101на година од раѓањето на дедо Ѓорѓи Матоски каде ги представи своите изработки.
